Өзбекстандық бапкер Қырғызстан клубын басқарды

Өзбекстандық бапкер Дмитрий Ан Қырғызстанда жұмыс бастады. Бұл туралы БАҚ хабарлады.

Мәліметтерге сәйкес, Ан «Нефтчи Кочкор-Ата» футбол клубының бас жаттықтырушысы болып тағайындалды. 51 жастағы маман ұзақ жылдар бойы Ташкенттің «Пахтакор» клубының жүйесінде қызмет атқарған, өткен маусымда «Навбахор» академиясында жұмыс істеген.

Айта кету керек, «Нефтчи Кочкор-Ата» Қырғызстан чемпионатында 9-орында тұр. Клуб құрамының жалпы құны 1,5 миллион еуроға бағалануда.