Томори: Модрич бізді таңғалдырды

Ағылшын қорғаушысы Фикайо Томори Лука Модричпен алғашқы танысуы туралы әсерлерін бөлісті. Хорватиялық ардагер "Реалдан" кетіп, "Миланға" өткеннен кейін, Томори алғашқы жаттығу сәтінен-ақ оның шеберлігіне таңданғанын айтты.

"Ол келгенде ешкім одан не күтетіні жайында толық білмеді. Бірақ алғашқы жаттығуында-ақ барлығы анық болды.

Ол өте керемет ойыншы", — деді Томори pianetamilan.it басылымына берген сұхбатында. Айта кетейік, қазір Италия клубы А Серия турнир кестесінде екінші орында тұр.

Келесі турда "Милан" Римнің "Лацио" командасына қарсы ойын өткізеді. "Милан" соңғы рет 2022 жылы чемпиондық атақты жеңіп алған болатын.