"Реал" футболшысы жарақатынан айықты

Мадридтің "Реал" клубының жартылай қорғаушысы Франко Мастантуоно қатарға қайта қосылды. 18 жастағы ойыншы пубалгия себебінен соңғы төрт матчты өткізіп жіберген еді.

Marca басылымының мәліметіне сәйкес, аргентиналық футболшы толықтай қалпына келіп, 30 қараша, жексенбі күні өтетін Ла Лига аясындағы "Жирона" клубына қарсы ойынға қатысуға дайын. Франко Мастантуоно биылғы жылдың тамыз айында "Реал" сапына қосылған болатын, бұған дейін ол "Ривер Плейт" клубында өнер көрсетті.

Хаби Алонсоның жетекшілігіндегі команда құрамында ол барлығы 12 матч өткізіп, бір гол соққан және бір нәтижелі пас берген.