Трамп Роналдуды тарихтағы ең үздік футболшы деп атады

АҚШ Президенті Дональд Трамп португалиялық футболшы Криштиану Роналдумен Ақ үйде кездесу өткізді. Саясаткер Сауд Арабиясының "Әл-Наср" клубында ойнап жүрген 40 жастағы шабуылшы туралы қысқаша пікір білдірді.

"Роналдуды футбол тарихындағы ең ұлы ойыншы деп санаймын", – деп Трамптың сөзін Fox News әлеуметтік желілерде жариялады. Еске сала кетсек, Криштиану Роналду 2023 жылғы қаңтардан бастап Сауд Арабиясы чемпионатында өнер көрсетіп келеді.

40 жастағы шабуылшының "Әл-Наср" клубымен келісімшарты 2027 жылдың жазында аяқталады. Биылғы маусымда Роналду ел чемпионатында сегіз кездесуге қатысып, тоғыз гол соқты және бір мәрте нәтижелі пас берді.