Хоффенхайм бірінші бөлімде Аугсбургті жеңді

Германия Бундеслигасының 12-турында Хоффенхайм мен Аугсбург арасындағы кездесу бірінші таймда-ақ нәтижесі шешілді. Алғашқы 45 минутта алаң иелері қарсылас қақпасына бірден үш жауапсыз гол соғып үлгерді.

Хоффенхайм сапынан Базумана Туре мен Ваутер Бюргер гол соқты, сондай-ақ Седрик Цесигер өз қақпасына гол жіберіп алды. Ойын соңына дейін есеп өзгермеді, таблода 3:0 нәтижесі сақталды.

Жақсы спорттық формасын көрсетіп жатқан Хоффенхайм турнир кестесінде төртінші орынға көтерілді. Екінші орын алған РБ Лейпцигтен небәрі үш ұпайға ғана қалып отыр.

Ал Аугсбург әзірше 13-орында қалды.