Интер Зоммермен болашағын шешпеген

Миланның "Интер" клубының қақпашысы Янн Зоммердің болашағы әлі белгісіз. Бұл туралы танымал инсайдер Николо Скира хабарлады.

Ақпарат көзіне сәйкес, "Интер" 36 жастағы швейцариялық футболшымен келісімшартты ұзарту бойынша келіссөздер жүргізіп жатқан жоқ. Айта кету керек, Зоммердің клубпен қазіргі келісімі 2026 жылдың жазында аяқталады.

Янн Зоммер "Интер" сапында 2023 жылғы тамыз айынан бері ойнап келеді. Осы маусымда ол барлық турнирлерде жалпы 17 ойынға қатысып, 15 гол өткізіп алды және 9 кездесуде қақпасын голдан қорғап қалды.

Transfermarkt интернет порталының мәліметінше, Зоммердің трансферлік құны 4 миллион еуроға тең.