Шевченко 2026 жылғы әлем чемпионатының жеребесіне пікір білдірді

Киевтің "Динамо" және "Милан" командаларының бұрынғы шабуылшысы, қазіргі уақытта Украина Футбол Қауымдастығының төрағасы қызметін атқарып отырған Андрей Шевченко 2026 жылғы Әлем чемпионының финалдық кезеңінің жеребе нәтижесіне қатысты пікір білдірді. "Біздің басты мақсатымыз – Әлем чемпионатына жолдама алу.

Дәл осы ойындарға байсалды түрде дайындалуымыз қажет. Топтық құрамға келер болсақ, қарсыластар өте мықты, бірақ біздің бірінші кезектегі міндетіміз – Әлем чемпионатына шығу", – деді Украина Футбол Қауымдастығының төрағасы "Suspilne.Media" берген сұхбатында.

Егер Украина ұлттық құрамасы Әлем чемпионатына жолдама алатын болса, Тунис, Жапония және Нидерланд ұлттық құрамаларымен бір топта ойнайды. Турнир Солтүстік Америкада өтеді.