Маркизио: Роналду үлгісі Мессиден артық

Бұрынғы "Ювентус" футболшысы Клаудио Маркизио Криштиану Роналдудың үлгісін Лионель Мессиникінен жоғары қою керектігін атап өтті. "Криштиану Роналдуды үлгі қылыңыз.

Ұлы чемпион болу үшін Роналдудың үлгісімен жұмыс істеу қажет, Мессимен емес. Неге?

Өйткені Роналду бұрыннан жұлдыз болатын, бірақ ол өзімен тағы да көбірек жұмыс істеуге мәжбүр болды. Ол қазіргідей деңгейге жету үшін өте көп еңбектенді.

Ал Месси Құдай берген талант иесі. Меніңше, ол үшін жаттығу жасау тіпті қажет емес", – деді Маркизио La Gazzetta dello Sport басылымына берген сұхбатында.

Криштиану Роналду мен Лионель Месси бірігіп 13 рет "Алтын доп" сыйлығын жеңіп алды: Роналду – 5 рет, ал Месси 8 рет.