Рома Дибаламен қоштасуының екі себебі айтылды

La Gazzetta dello Sport хабарлауынша, «Рома» басшылығы аргентиналық шабуылшы Пауло Дибаланы құрамда сақтау мәселесінде екі ойлы болып отыр. Дереккөздің мәліметінше, клуб шабуылшының жиі жарақат алатынына және Джан Пьеро Гасперини талап ететін ойын стиліне сәйкес голдар мен нәтижелі пастар бойынша күтілген деңгейге жете алмай жатқанына наразы.

Осы маусымда Дибала тек үш нәтижелі әрекетпен есте қалды: екі гол және бір нәтижелі пас. Дибала «Ромаға» 2022 жылғы жазда қосылған.

Содан бері ол римдік команда сапында бірде-бір жүлде жеңіп алған жоқ. Жалпы алғанда, астаналық клуб шамамен жиырма жылдан бері жанкүйерлерін ірі жетістіктермен жиі қуанта алмай келеді.