Италия А Сериясының 36-турында «Roma» сырт алаңда «Parma» командасына қарсы ойнап, нағыз драмалық жеңіске қол жеткізді. «Ennio Tardini» стадионында өткен кездесуде Гасперини шәкірттері соңғы минуттарға дейін берілмей, 2:3 есебімен жеңіске жетті.
Кездесу «Roma» үшін жақсы басталды. 22-минутта Мален есепті ашып, қонақтарды алға шығарды. Бірінші тайм римдіктердің басымдығымен аяқталғандай көрінгенімен, екінші таймда «Parma» ойынға қайта оралу үшін қатты қысым көрсетті.
47-минутта Стрефецца алаң иелерінің атынан есепті теңестірді. Бұл гол «Parma»-ға қосымша рух беріп, ойын қарқыны одан әрі артты. 87-минутта Кейта қарсылас қақпасын дәл көздеп, алаң иелерін алға шығарды. Сол сәтте көпшілік «Roma» жеңіліске ұшырады деп ойлаған болар.
Алайда футболда төрешінің соңғы ысқырығы естілмейінше ештеңе аяқталмайды. «Roma» бұл ақиқатты тағы бір мәрте дәлелдеді. 90+4-минутта Ренч есепті теңестіріп, командасын жеңілістен құтқарып қалды. Бұл голдың өзі римдіктер үшін үлкен психологиялық серпіліс болды.
Драма мұнымен бітпеді. 90+9-минутта «Parma» ойыншысы Брицци алаңнан қуылды. Артынша, 90+11-минутта Мален пенальтиден мүлт кетпей, «Roma»-ға керемет жеңіс сыйлады. Бір ойынның ішінде үміт, өкініш, қайта оралу және жеңіс — бәрі болды. А Сериясының сценаристері бұл жолы Netflix-тен де асып түсті.
Бұл нәтижеден кейін «Roma» ұпай санын 67-ге жеткізіп, турнир кестесінде 5-орынға қайта оралды. Гасперини командасы 4-орындағы «Milan»-мен ұпай саны бойынша теңесті. «Parma» болса 42 ұпаймен 13-орында қалды.
А Сериясы. 36-тур
«Parma» — «Roma» 2:3
Голдар: Стрефецца, 47, Кейта, 87 — Мален, 22, 90+11 пенальти, Ренч, 90+4.
«Parma»: Suzuki, Sirsati, Troilo, Valenti, Delprato, Britsji, Ordonez, Nikolussi-Kavilya, Esteves, Keyta, Valeri, Karboni, Elfege, Almkvist, Strefetssa, Pellegrino.
«Roma»: Svilar, Manchini, Ndika, Ermoso, Gilardi, Chelik, Rench, Kristante, Al Aynaui, Kone, Venturino, Uelsi, Soule, Pisilli, Dibala, Malen.
Ескертулер: Стрефецца, 48, Троило, 65, Брицци, 76.
Алаңнан қуу: Брицци, 90+9.
Жалпы алғанда, «Roma» бұл ойында мінез, сабыр және соңына дейін күресудің не екенін көрсетті. 87-минутта есепте артта қалып, 90+11-минутта жеңісті жұлып алу — бұл жай ғана нәтиже емес, команданың ішкі күшін көрсететін үлкен сигнал. Маусым соңында мұндай жеңістер тек үш ұпай емес, бүкіл командаға сенімділік береді.
“Zamin”-ді Telegram-нан оқыңыз!
