Кристофер Нкунку Сауд Арабиясына сатылуы мүмкін

Франциялық шабуылшы Кристофер Нкункудің "Милан" клубындағы мансабы күткендей болмай жатыр. Клуб басшылығы футболшының командаға бейімделе алмағаны үшін оны құрамадан шығару жолдарын қарастыруда.

Туриндік Tuttosport басылымының хабарлауынша, футболшының агенті Пини Захави бұл мәселе бойынша жұмыс істеуде және әзірге ең ықтимал сценарий — Нкункуді Сауд Арабиясы клубтарының біріне сату болып отыр. Айта кетейік, "Челсиден" келген француз шабуылшысы "Милан" сапында тұрақты түрде алаңға шығып жүр, алайда әзірге клуб құрамында бірде-бір гол соға алмады.

Қазіргі уақытта "Милан" 18 желтоқсан күні басталатын Италия Суперкубогына қатысу үшін Сауд Арабиясына аттанды.