Анчелотти үздік үштікті жариялады: Рафинья Мбаппеден жоғары

FIFA The Best сыйлығы бойынша дауыс беру нәтижелері жарияланды. 2025 жылдың үздік футболшысы жүлдесін Франция құрамасы мен ПСЖ шабуылшысы Усман Дембеле иеленді.

Madrid Xtra-ның хабарлауынша, сауалнамада Бразилия құрамасының бас бапкері ретінде қатысқан Карло Анчелотти өзінің жеке рейтингінде де Дембелені бірінші орынға қойған. Итальяндық маман екінші орынға бразилиялық Рафинья Диасты орналастырды, ал Мадридтің Реал клубында бірге жұмыс істеген Килиан Мбаппені үшінші орынға қойды.

Еске салсақ, Анчелотти осы жылдың маусым айында Реал клубынан кетіп, Бразилия құрамасын басқаруға кіріскен болатын. Ол "корольдік клубында" төрт жыл бойы бас бапкер ретінде жұмыс істеген.