Хуан Эснайдер ұлы қайтыс болған күнді еске алды

Мадридтің "Реал" және "Сарагоса" клубтарында ойнаған, сондай-ақ "Хетафе" командасында бапкерлік еткен аргентиналық маман Хуан Эснайдер ұлының өмірден озған ауыр күнін еске алды. Оның айтуынша, қайғылы оқиға 2012 жылғы 25 желтоқсанда, католиктер үшін қасиетті Рождество мерекесінде орын алған.

“Өмір маған қатігездікпен қарады, бірақ әзірге тек бір рет. Мен оны ешқашан кешірмеймін.

Мұндай оқиға адамды өмір бойына өзгертеді. Дегенмен мен және жұбайым бұл туралы ашық, ештеңе жасырмай айтуға батылдық таптық.

Әрбір Рождествода оны еске аламыз”, — деп Эснайдердің сөзін derbyderbyderby.it келтірді. Еске сала кетейік, аргентиналық футболшы Мадридтің "Реал" клубында 1995/1996 маусымында ойнаған.