Гарри Кейн 2025 жылғы ең әсерлі футбол сәтін айтты

Мюнхеннің «Бавария» клубының шабуылшысы Гарри Кейн 2025 жыл ішіндегі өзі үшін ең үздік футбол сәтін айтты. «Меніңше, 2025 жылғы ең сүйікті футболдық сәтім Бундеслигадағы жеңісіміз болды.

Алғашқы жүлдені, дәлірек айтқанда, мансабымдағы алғашқы командалық трофейді иелену керемет сезім болды және бұл мен үшін, командаластарым, сондай-ақ достарым мен отбасым үшін ерекше сәт болды. Жұмысты соңына дейін жеткізгеніміз өте жағымды болды», — деді Кейн.

Оның сөздерін Goal порталы Cleats Club-қа сүйеніп жеткізді. Қазіргі уақытта «Бавария» Бундеслига турнир кестесінде көш бастап тұр.

Мюнхендіктер екінші орында тұрған «РБ Лейпцигтен» сегіз ұпай алда. 21 желтоқсан күні жылдың соңғы ойынында «Бавария» сырт алаңда «Хайденхаймға» қарсы ойнайды.