Францияның ПСЖ клубында ойнап жүрген ресейлік қақпашы Матвей Сафонов FIFA Құрлықаралық кубогының финалында қолы сынған күйі ойнағаны белгілі болды. Бұл туралы Париж клубының баспасөз қызметі хабарлады.
Еске сала кетейік, ПСЖ мен Бразилияның «Фламенго» командалары арасындағы финалдық кездесу 2025 жылғы 17 желтоқсанда өтті. Ойынның негізгі және қосымша бөлімдерінен кейін жеңімпаз анықталмай, пенальти сериясында ПСЖ жеңіске жетті.
Сафонов пенальти сериясында төрт сейв жасап, командасының жеңісіне шешуші үлес қосты. Белгілі болғандай, «Фламенгоға» қарсы кездесу барысында Сафоновтың сол қолының алақан бөлігінен жарақат алынып, сынық анықталған.
Ресейлік футболшының қалпына келуі шамамен үш-төрт апта уақыт алуы мүмкін. Сафонов ПСЖ қатарында 2024 жылғы жаздан бастап ойнап келеді.
Осы уақыт ішінде ол командамен бірге алты жүлдеге қол жеткізген, олардың ішінде Чемпиондар лигасындағы жеңіс те бар.
«Меҳмон» тобындағы келушілер бұл жарияланымға пікір қалдыра алмайды.
