Антони "Бетис" сапында 14 матчта 11 нәтижелі әрекет жасады

La Liga-ның 17-ші туры аясында "Бетис" "Хетафемен" кездесу өткізді. Матчта Севилья клубының вингері Антони нәтижелі паспен ерекшеленді.

Бразилиялық футболшы 16-шы минутта Айтор Руибальдың голына ассист авторы болды. Бұл нәтижелі пас Антонидің соңғы матчтардағы жемісті қимылдарын жалғастырды.

Қазан айының ортасынан бастап ол жоғары тиімділік танытып, осы кезеңде 7 гол соғып, 4 нәтижелі пас берді. Жалпы алғанда, барлық турнирлерде өткен соңғы 14 ойында Антонидің есебінде 11 нәтижелі әрекет бар.

Антони 1 қыркүйек күні "Манчестер Юнайтедтен" "Бетис" клубына ауысқан болатын. Бразилиялық футболшының Севилья клубымен келісімшарты 2030 жылдың ортасына дейін жасалған.