«Атлетико» Хави Галланның «Осасунаға» кеткенін хабарлады

Мадридтің «Атлетико» клубы ресми сайтында сол қанат қорғаушы Хави Галанды трансфері туралы хабарлады. 31 жастағы футболшы клубтан кетіп, «Осасунаға» өтті.

«Матрасшылар» Галанға алдағы мансабында табыс тіледі. Испан баспасөзінің мәліметінше, «Осасуна» Галанның трансфері үшін 500 мың еуро төлейді.

Хави Галан «Атлетико» құрамында 56 ресми матчқа қатысып, 7 нәтижелі пас берген. 18 ойыннан кейін «Атлетико» Ла Лига турнир кестесінде 3-орында тұр.

«Осасуна» болса 12-орынды иеленуде.