Расподоридің «Рома» командасына өту шарттары айтылды

Шабуылшы Джакоме Распадори қайтадан Италияға оралуы мүмкін — 25 жастағы футболшыға «Рома» қызығушылық танытуда. Marca басылымының мәліметінше, А сериясының клубы Распадориді жалға алу үшін 2 миллион еуро ұсынған және 20 миллион еуроға сатып алу нұсқасын да енгізген.

«Атлетико» бұл ұсынысты тек сатып алу нұсқасы міндетті болған жағдайда ғана қабылдайды. Мадрид клубы өткен жазда шабуылшы үшін жұмсалған 22 миллион еуроны қайтарып алғысы келеді.

Джакоме Распадори «Атлетико» құрамында 14 ресми матчта өнер көрсетіп, 2 гол соғып, 3 нәтижелі пас берген. Мадридтіктер Ла Лига турнирінде үшінші орында тұр.