Криштиану Роналду 2025 жылы 40-голын соқты

«Әл-Наср» шабуылшысы Криштиану Роналду 2025 жылы соққан голдарының санын 40-қа жеткізді. Бұл туралы euro-football.ruхабарлайды.

40 жастағы футболшы Сауд Арабиясы чемпионатының сенбідегі матчында «Әл-Охдуд» қақпасына екі рет гол соқты. Ойын 3:0 есебімен аяқталды. Осылайша Роналду барлық турнирлерді қоса есептегенде, 2025 жылдың басынан бері 40 гол соқты. Ол Еуропадан кеткеннен кейін қатарынан үшінші маусым осы межеге жетті.

«Әл-Наср» 10 турдан кейін 30 ұпаймен турнир кестесінде көш бастап тұр және әзірге бірде-бір рет ұпай жоғалтқан жоқ. Команда жыл соңындағы соңғы ойынын 30 желтоқсанда «Әл-Иттифаққа» қарсы өткізуді жоспарлап отыр.