Ламин Ямаль 2025 жылы 20+20 межесінен асқан санаулылардың бірі

«Барселона» клубының 18 жастағы шабуылшысы Ламин Ямаль 2025 жыл бойы керемет нәтижелілік көрсетті. Бұл туралы euro-football.ruхабарлайды.

Жыл аяқталып келе жатқан сәтте «көк-анар түстілердің» вингері барлық турнирлерді қоса есептегенде 21 гол соғып, 21 нәтижелі пас берді. Opta дерегіне сүйенсек, ол Еуропаның топ-5 лигасында 2025 жылы 20+20 көрсеткішіне жеткен бар болғаны екінші футболшы атанды. Бұл тізімде одан бұрын «Бавария» сапындағы француз Майкл Олисе бар: оның еншісінде 21 гол және 24 ассист.

Сондай-ақ Ямаль «Алтын доп» — 2025 дауыс беруінде Усман Дембеледен кейін екінші орын алды. Ал Майкл Олисе 30 үміткердің ішінде ең соңғы сатыға жайғасты.