Хабиб Нурмагомедов Globe Soccer-де Погбаға жүлде табыстады

Ресейлік танымал жауынгер Хабиб Нурмагомедов жексенбі күні Globe Soccer Awards марапаттау рәсіміне қатысты. Іс-шара сахнасында ол «Монако» жартылай қорғаушысы Поль Погбаға жүлдені жеке өзі табыстады. Бұл туралы euro-football.ruхабарбереді.

Погба «Жылдың камбегі» номинациясында жеңімпаз атанды. Француз футболшысы допингке қарсы ережелерді бұзғаны үшін берілген дисквалификация салдарынан болған ұзақ үзілістен кейін алаңға қайта оралды.

Поль Погба әзірге «Монако» сапында үш ойында алаңға шықты. 32 жастағы жартылай қорғаушы әлі гол не ассистпен көзге түскен жоқ.

Қазіргі уақытта «Монако» Францияның Лига 1 турнир кестесінде тоғызыншы орында келеді.