«Вердер» украиналық қорғаушыны құрамына қосуды қалайды

Донецкінің «Шахтёр» клубы мен Украина ұлттық құрамасының қорғаушысы Ефим Конопля Германия чемпионатында мансабын жалғастыруы мүмкін. Бұл туралы euro-football.ru хабарлайды.хабарлайды.

Sport.ua мәліметінше, 26 жастағы футболшыға Бременнің «Вердер» клубы қызығушылық танытып отыр. Неміс клубының басшылығы оны қаңтардағы трансфер терезесінде алуды жоспарлауда.

Конопляның трансферлік құны 5 миллион еуроға бағаланады. Қорғаушының «Шахтёрмен» қолданыстағы келісімшарты келесі жылдың жазында аяқталады.

2025/2026 маусымының бірінші жартысында ол 19 матчқа қатысып, 2 гол соғып, 4 нәтижелі пас берді.