Алексей Гасилин Ресей құрамасының 2025 жылын бағалады

Санкт-Петербургтің «Зенит» клубында ойнаған, қазір сарапшы болып жұмыс істейтін Алексей Гасилин Ресей құрамасының 2025 жылғы ойындары туралы пікір білдірді. Бұл туралы euro-football.ruхабарлайды.

«Соңы есте қалады. Перу және Чилимен өткен соңғы матчтар көңілімді қалдырды. Дегенмен жақсы ойындар да болды: мысалы, Қатар, Иран және Боливияға қарсы кездесулерде жаман көрінбедік», — деді ол «Матч ТВ» эфирінде.

2025 жылы Ресей құрамасы жалпы 10 матч өткізіп, 6 рет жеңіске жетті, 3 рет тең ойнады және 1 кездесуде жеңілді.

Еске салайық, ФИФА мен УЕФА шешімімен Ресей құрамалары мен клубтары халықаралық жарыстарға қатысудан шеттетілген.