Эмери «Арсеналдан» жеңілгеннен кейін пікір білдірді

«Астон Вилланың» жеңісті жүрісі «Эмирейтс» стадионында «Арсеналға» қарсы ойында 1:4 есебімен жеңіліспен тоқтады. Бұл туралы euro-football.ruхабарлайды.

Бирмингем клубы барлық жарыстарда қатарынан 11 матчта жеңіске жетіп, АПЛ кестесінде «канонирлерге» өте жақындаған еді. Алайда Лондонға сапарда күтілген сенсация болмады.

«Футбол — бұл дәл қазір және осы сәт. Бұған дейінгі нәтижелеріміз өте керемет болды. Бәлкім, бүгін кестедегі орнымызға байланысты бізден көбірек күтілген шығар, бірақ қазір ең маңыздысы — болған жайтты талдау», — деді «Астон Вилла» бас бапкері Унаи Эмери.

19 турдан кейін «Астон Вилла» 39 ұпаймен үшінші орнын сақтап қалды. «Арсенал» болса 45 ұпаймен турнир кестесінде көш бастап тұр.