«Атлетико» Распадориге «Ромамен» келісім барын хабарлады

Мадридтің «Атлетико» клубы шабуылшы Джакомо Распадориге оның ықтимал трансфері бойынша «Ромамен» келісімге қол жеткізілгенін хабарлады. Бұл туралы euro-football.ru хабарлайдыхабарлайды.

Тараптар жалға беру және кейін міндетті сатып алу тармағы бар келісім жасауға келісті. Алайда футболшы әлі түпкілікті шешім қабылдаған жоқ және ойлануға уақыт сұрады.

Журналист Джанлука Ди Марционың мәліметінше, Распадори жағдайды «Атлетиконың» бас бапкері Диего Симеонемен жеке талқылағысы келеді.

Ди Марцио дерегінше, «Атлетиконың» «Реал Сосьедадқа» қарсы ойынына дейін бұл мәселе бойынша шешім күтілмейді.

2025/2026 маусымында Распадори 14 матчқа қатысып, 2 гол соғып, 3 нәтижелі пас берді.