Ибраһим Мбайе Африка кубогында XXI ғасыр рекордын орнатты

Африка ұлттар кубогының 1/8 финалында Сенегал Суданды 3:1 есебімен жеңді. Ойында алдымен судандықтар есеп ашып, турнирде алғаш рет гол соқты, алайда кейін сенегалдықтар қатарынан үш рет дәл соққы жасап, жігерлі камбэкті рәсімдеді. Бұл туралы euro-football.ru хабарлайдыхабарлайды.

Ойындағы соңғы голдың авторы ПСЖ шабуылшысы Ибраһим Мбайе болды. Белгілі болғандай, ол XXI ғасырда Африка кубогында гол соққан ең жас футболшы атанды — Мбайе қазір 17 жас 344 күн.

Еске салайық, футболшы бұған дейін Францияның түрлі жас санатындағы құрамаларында ойнағанына қарамастан, кейін саналы түрде Сенегал құрамасы сапында өнер көрсетуді таңдаған.