«Манчестер Сити» бас бапкері Хосеп Гвардиола командаға жаңадан қосылған Антуан Семеньо туралы пікір білдірді. Бұл туралы euro-football.ru хабарлайды .
25 жастағы вингер «Борнмуттан» «қалалықтар» сапына ауысты. Трансфер құны шамамен 75 млн еуроны құрады.
Гвардиоланың айтуынша, кейбір футболшылар ерте жарқырайды, ал басқаларына уақыт керек. Маман сәтсіздіктер мен қиындықтар әр ойыншыны қалыптастыратынын атап өтті: Семеньо еңбек пен табандылықтың арқасында ақыры үлкен сахнаға шыққанын, енді алғаш рет Чемпиондар лигасында ойнау мүмкіндігі пайда болып отырғанын ерекше айтты. Бапкердің пікірінше, еурокубоктарда әлі алаңға шықпағанына қарамастан, ол командаға үлкен құлшыныс пен «от» алып келеді.
Семеньоның «Манчестер Сити» сапындағы дебюті бүгін-ақ Англия кубогында «Эксетерге» қарсы матчта өтуі мүмкін.
“Zamin”-ді Telegram-нан оқыңыз!
