Ливерпуль қаңтарда Брюгге қанат ойыншысын алуы мүмкін

«Брюгге» вингері Христос Циолис мансабын Англия чемпионатында жалғастыруы мүмкін. Бұл туралы euro-football.ru хабарлайды .

DaveOCOP дерегіне сүйенсек, «Ливерпуль» 23 жастағы футболшыны құрамына қосуды көздеп отыр. «Қызылдар» грек ойыншысын қаңтар айында-ақ сатып алу нұсқасын қарастыруда, алайда келісім оңай болмауы мүмкін.

Циолис 2024 жылы Германияның «Фортуна» клубынан «Брюгге» сапына 6 млн еуроға ауысты. Оның келісімшарты 2029 жылдың 30 маусымына дейін жасалған. Ағымдағы маусымда ол бельгиялық клуб сапында 30 матч өткізіп, 11 гол соғып, 15 нәтижелі пас берді. Мансабы барысында ПАОК, «Норвич» және «Твенте» клубтарында да ойнаған.