«Бавария» қақпашысы Мануэль Нойер «Вольфсбургті» 8:1 есебімен ірі жеңгеннен кейін матч туралы пікірін білдірді. Бұл туралы euro-football.ru хабарлайды .
Мюнхен клубы қарсыласын толықтай тізе бүктірді: Майкл Олисенің дубліне қоса, «қасқырлар» соққан екі автогол да болды. Сондай-ақ Луис Диас, Рафаэл Геррейру, Гарри Кейн және Леон Горецка бір-бірден гол соқты.
«Өте жағымды сезім. Жыл басындағы алғашқы үй матчында сапалы ойын көрсетуге нық бел буған едік және оны өте жақсы орындадық. Өте қуаныштымыз», — деді Нойер DAZN-ға берген сұхбатында.
Қақпашы командадағы әр ойыншының орны маңызды екенін атап өтті: «Әркім барынша пайда әкелгісі келеді. Біз үнемі қайта-қайта гол соғуға ұмтыламыз — нәтижелер соны көрсетіп тұр. Осы рухта жалғастыруымыз керек».
Венсан Компани баптайтын команда 14 қаңтар күні «Кёльнге» қарсы ойнайды.
“Zamin”-ді Telegram-нан оқыңыз!
