Дүйсенбі күні «Әл-Наср» қонақта «Әл-Хилалға» қарсы есеп ашты, алайда матч соңында 1:3 есебімен жеңілді. Бірінші таймда гол соққан Криштиану Роналду 83-минутта ауыстырылды. Бұл туралы euro-football.ru хабар береді.
Есеп 1:2 болып тұрған сәтте алаңнан кетіп бара жатқан жұлдызды шабуылшы көңіл күйінің түскенін жасырмады: капитандық таңғышты әріптесіне бере отырып, мысқылдай жымиды. «Әл-Хилал» пенальтиден үшінші гол соққаннан кейін Роналду қосалқы орындықта камераға қарап саусақтарын қимылдатып, әлеуметтік желілерде дау тудырған ишараны көрсетті. Жанкүйерлер бұл әрекетті төрешілікке наразылықтың белгісі ретінде түсіндіруде.
Ойында «Әл-Наср» екі рет пенальтиден гол жіберіп алды, ал 1:1 есебінде бір ойыншысы алаңнан қуылып, команда азшылықта қалды. Осы жеңілістен кейін «Әл-Наср» көшбасшы «Әл-Хилалдан» 7 ұпайға қалып қойды.
“Zamin”-ді Telegram-нан оқыңыз!
