«Манчестер Юнайтедтің» жаңа бас бапкері Майкл Кэррик клубтағы қызметіне тағайындалғаннан кейін баспасөзге қысқа сұхбат берді. Бұл туралы euro-football.ru хабарлайды .
Клуб сейсенбі күні ағылшын маманы ағымдағы маусымның соңына дейін команданы уақытша басқаратынын ресми түрде мәлімдеген болатын.
«Мұнда қайта оралып, өмірімнің көп жылдары өткен клубтың бір бөлігі болу — сенгісіз сезім. Енді тез арада жұмысқа назарымды шоғырландыруым керек. Бұл өте үлкен жауапкершілік әрі мен үшін зор мәртебе. Міндетім — алдымызға қойылған мақсаттарды орындау. Мен толықтай іске берілгенмін және клубтың алға жылжуына көмектескім келеді», — деп Кэрриктің сөзін UtdDistrict келтірді.
Еске сала кетейік, Майкл Кэррик 2006–2018 жылдары «Манчестер Юнайтед» сапында ойнаған, ал мансабын аяқтағаннан кейін тағы үш жыл бапкерлер штабында жұмыс істеген.
“Zamin”-ді Telegram-нан оқыңыз!
