Сауд Арабиясы Про-лигасының 16-турында «Ән-Наср» өз алаңында «Әш-Шабабты» қабылдап, нағыз драмалық сценариймен өткен ойында 3:2 есебімен жеңіске жетті. Кездесу оңай болған жоқ: алаңдағы шиеленіс, жылдам голдар және екі жақтан да соғылған екі автоголдан тұратын “шоу” болды.
Ойында есеп өте ерте — 2-минуттың өзінде ашылды. «Әш-Шабаб» ойыншысы Балобаид допты өз қақпасына енгізіп қойды да, алаң иелеріне жеңілдегендей көрінді. Көп ұзамай, 8-минутта Коман есепті ұлғайтып, «Ән-Насрды» 2:0 алға шығарды.
Алайда «Әш-Шабаб» тез ес жиды. 31-минутта «Ән-Наср» сапындағы Симакан да автоголға жол беріп, қарсыласын ойынға қайта қосты. Екінші тайм басында Жуниор 53-минутта гол соғып, есепті 2:2-ге жеткізді. Сол сәтте стадиондағы көңіл күй де өзгерді: жеңіс мәселесі қайтадан “ашық” қалды.
Қиын сәтте «Ән-Насрды» алға сүйреген гол 76-минутта Ғарибтің еншісіне жазылды. Оның дәл соққысы алаң иелеріне 3:2 есебімен басымдық пен аса маңызды үш ұпай әкелді.
Айта кетерлігі — Криштиану Роналду бұл жолы алаңнан голсыз кетті. Соған қарамастан, «Ән-Наср» команда ретінде қайсарлық танытып, қиын ойында да нәтижені “сақтап қалуға” қол жеткізді.
Бұл жеңістен кейін Эр-Рияд клубы ұпайын 34-ке жеткізіп, турнир кестесінде қайтадан 2-орынға көтерілді. «Әш-Шабаб» болса 11 ұпаймен 14-сатыда қалып отыр.
Сауд Арабиясы Про-лигасы. 16-тур
Ән-Наср – Әш-Шабаб 3:2
Голдар: Балобаид 2 (автогол), Коман 8, Ғариб 76 – Симакан 31 (автогол), Жуниор 53.
Ән-Наср – Бенто, Әл-Ғаннам, Симакан, Мартинес, Бушаль (Әл-Нассер, 65), Весли (Ғариб, 65), Әл-Хайбари, Анджело (Әл-Хассан, 90+1), Коман, Феликс, Роналду.
“Zamin”-ді Telegram-нан оқыңыз!
