Слуцкий баптайтын «Шанхай Шэньхуа» тағы да жеңілді

Леонид Слуцкий баптайтын «Шанхай Шэньхуа» Азия Чемпиондар лигасындағы кезекті матчта да ұпайсыз қалды. Қытай клубы жалпы кезеңнің 6-турында сырт алаңда «Санфречче Хиросимаға» 0:1 есебімен есе жіберді. Бұл туралы euro-football.ru хабарлайды .

Ойындағы жалғыз гол 78-минутта соғылды: алаң иелерінің қорғаушысы Хаято Араки дәл соққымен матч тағдырын шешті. Осылайша «Шанхай Шэньхуа» турнирдегі қатарынан үшінші жеңілісін қабылдады.

Алты турдан кейін Слуцкийдің командасы 4 ұпаймен кестеде 11-орында тұр. Ал «Хиросима» 11 ұпай жинап, үшінші орынға жайғасты.