Еуропа лигасының 7-туры аясындағы алғашқы 9 матч өтті және турдың алғашқы бөлігі-ақ турнир кестесіндегі жағдайды айқын көрсетті. Кейбір командалар 1/8 финалға тікелей шығу мәселесін шешсе, енді бірқатары плей-офф жолдамасына қарай дерлік қадам жасап қойды.
Орталық матчтарда «Астон Вилла» мен «Лион» міндетін орындады
Кештің ең назар аудартқан кездесулерінің бірі Ыстамбұлда өтті. «Астон Вилла» «Фенербахче» алаңында ең аз есеппен жеңіп, ұпайын 18-ге жеткізді және 2-орындағы орнын нығайтты. Ойындағы жалғыз голды 25-минутта Санчо соқты.
- Фенербахче — Астон Вилла 0:1
Гол: Санчо (25).
Швейцарияда «Лион» «Янг Бойзды» жеңіп, 18 ұпаймен 1-орынды сақтап қалды және 1/8 финалға тікелей жолдаманы кепілдеді. Мейтленд-Найлз 45+1-минутта шешуші соққы жасады.
- Янг Бойз — Лион 0:1
Гол: Мейтленд-Найлз (45+1).
«Фрайбург» пен «Мидтьюлланн» плей-оффты дерлік “құлыптады”
Турдың тағы бір маңызды нәтижесі Германияда тіркелді: «Фрайбург» «Маккаби» Тель-Авивті жеңіп, 17 ұпаймен 3-орында қалды. Матанович 82-минутта ойын тағдырын шешті.
- Фрайбург — Маккаби Тель-Авив 1:0
Гол: Матанович (82).
Скандинавияда «Бранн» — «Мидтьюлланн» ойыны нағыз драманы ұсынды: екі команда 3:3 есебімен тең түсті. Бірнеше пенальти, соңғы минуттардағы гол және тоқтаусыз қарқын — жанкүйерлер үшін нағыз “бал” болды. Осы тең ойыннан кейін «Мидтьюлланн» 16 ұпаймен 4-орында қалып, плей-оффқа жолды дерлік ашып қойды.
- Бранн — Мидтьюлланн 3:3
Голдар: Холм (19), Корнвиг (68, пенальти), Солтвед (90+10, пенальти) — Эрлич (4, 70), Брумадо (31).
Толқытқан сәттер: «Бетистің» сүрінуі және «Портудың» құтылуы
Тур барысында күтпеген нәтижелер де болды. Мысалы, «Бетис» ПАОК алаңында 0:2 есебімен жеңілді. Живкович 67-минутта есеп ашса, Якумакис 87-минутта пенальтиден нүкте қойды.
- ПАОК — Бетис 2:0
Голдар: Живкович (67), Якумакис (87, пенальти).
Тағы бір қызықты матч «Виктория» Пльзень — «Порту» кездесуінде өтті. Алаң иелері ерте гол соққанына қарамастан, «Порту» 90-минутта Гүлдің голымен жеңілістен құтылып қалды. Бұған қоса, португалдар 45+5-минутта пенальтиді пайдалана алмады, ал алаң иелері 45+4-минутта Видра алаңнан қуылғаннан кейін соңғы минуттардағы қысымға төтеп бере алмады.
- Виктория Пльзень — Порту 1:1
Голдар: Черв (6) — Гүл (90).
Пайдаланылмаған пенальти: Саму (45+5, Порту).
Алаңнан қуылу: Видра (45+4, Виктория).
«Фейеноорд» ірі жеңіспен өзін еске салды
Турдағы ірі есептердің бірі «Фейеноордтың» еншісінде. Олар «Штурмды» 3:0 есебімен жеңді: Ватанабэ (5), Хаж Муса (69) және Боржес (90) гол авторлары болды.
- Фейеноорд — Штурм 3:0
Голдар: Ватанабэ (5), Хаж Муса (69), Боржес (90).
Еуропа лигасының 7-турындағы қалған ойындардың нәтижелері
Еуропа лигасы. 7-тур. 22 қаңтар
- Болонья — Селтик 2:2
Голдар: Даллинга (58), Роу (72) — Хатате (6), Трасти (40).
Алаңнан қуылу: Хатате (34, Селтик).
- Мальмё — Црвена Звезда 0:1
Гол: Костов (16).
7-турдан кейінгі Еуропа лигасының турнир кестесі
