"Real American Freestyle" промоушені бұған дейін UFC файтері Арман Сарукян мен америкалық балуан Джорджо Пуллас арасындағы реванш 28 март күні "RAF 07" турнирінде өтетінін хабарлаған еді. Демек, алдағы апталарда Арманды тағы бір үлкен сынақ күтіп тұр - және бұл жолы да үлкен сахнаға дайындалып жатқаны көрініп тұр.
Ал күні кеше Саруканның тағы бір кездесуі туралы хабар тарады. Белгілі болғандай, Арман 11 март күні "Hype Brazil" турнирінде бұрынғы UFC файтері Мохамед Мокаевпен грепплинг ережелері бойынша күш сынасады. Яғни бұл шайқаста соққы жоқ - тек партер, бақылау, ауыр әдістер және шыдамдылық. Қысқасы, "кім техник, кім салқынқанды" деген тексеру.
Бұл кештің афишасы тек Сарукян-Мокаевпен ғана шектелмейді. Хабарларға қарағанда, аталмыш турнирде ресейлік танымал ММА шебері Шара Буллет те бразилиялық тәжірибелі Эдсон Барбозаға қарсы шығуы белгіленген. Бұл жұп жанкүйерлерге ерекше интрига: бірі - өткір мінез бен агрессия, екіншісі - үлкен тәжірибе мен "темір" дайындық.
Қысқаша айтқанда, Арман үшін наурыз айы өте көп қырлы болып жатыр: алдымен грэпплингте Мокаевпен қатты жекпе-жек, содан кейін 28 мартта "RAF 07" турнирінде Пулласпен қарымта. Бұл екі жекпе-жек бірге алынса, Саруканның формасы, психологиялық дайындығы мен техникалық арсеналы қандай деңгейде екенін ашық көрсетеді.
Төменде осы кештің толық картасымен танысуға болады:
