Туриндік «Ювентус» клубы «Ман Сити» жартылай қорғаушысы Бернарду Силва үшін ресми ұсыныс жолдауға дайындалып жатыр. Португалиялық жұлдыз осы маусымның соңында еркін агентке айналады. «Бьянконерилер» футболшы үшін күресте басты қарсыласы «Барселонаны» басып озу мақсатында жедел әрекет етуді жоспарлап отыр. Бұл туралы Goal.com хабарлайды.
«La Gazzetta dello Sport» басылымының мәліметінше, «Ювентус» Силваны өзінің басты нысанасы ретінде белгілеген. Футболшының өзі әзірге трансферлік қауесеттерден алшақ жүруді жөн көреді. Ол «Ман Ситимен» бірге маусым соңында жаңа кубоктарды жеңіп алуға баса назар аударғанымен, Туринге ауысуға қарсы еместігін білдірген.
«Ювентус» басшылығы 31 жастағы футболшыны команда ойынын қалыптастырудағы маңызды буын деп санайды. Алайда туриндіктер бұл бәсекеде жалғыз емес. «Барселона» Силваға ұзақ уақыттан бері қызығушылық танытып келеді. Сондай-ақ, «Бенфика» мен «Галатасарай» сияқты клубтар да жағдайды бақылауда ұстап отыр.
Трансфер процесінде атақты агент Жорже Мендеш маңызды рөл атқаруда. «Ювентус» басшылығы Мендешпен үнемі байланыста болып, келісімнің қаржылық жақтарын талқылап жатыр. Силва «Ман Сити» сапында 2017 жылдан бері өнер көрсетіп, барлығы 19 кубокты жеңіп алды және клуб аңызына айналды.
“Zamin”-ді Telegram-нан оқыңыз! 
