Өзбекстан Суперлигасының 10-турындағы орталық кездесулердің бірі ретінде күтілген текетіресте «Paxtakor» өз алаңында «Nasaf» командасын қабылдады. Шиеленісті күреске толы, драмалық сәттерге бай кездесу 2:2 есебімен тең аяқталды.
Бірінші таймда айдын иелері белсендірек қимылдады және бұл өз нәтижесін берді. 42-минутта Хожиакбар Алижонов қарсылас қақпасын дәл көздеп, есеп ашты.
Бұл гол «арыстандарға» сенімділік сыйлады және олар үзіліске басымдықпен шықты.
Екінші тайм басталысымен ойын барысы өзгерді. «Nasaf» шабуылдарын күшейтіп, 56-минутта Сардорбек Бахромовтың дәл соққысы арқылы таразы басын теңестірді — 1:1.
Осыдан кейін қос команда да жеңіске жету мақсатында ашық футбол көрсете бастады.
Кездесудің ең драмалық сәттері соңғы минуттарға тұспа-тұс келді. 90+2-минутта Фламарион пенальтиден гол соғып, «Paxtakor» командасын тағы да алға шығарды.
Алайда қонақтар берілмеді — бір минут өткен соң, 90+3-минутта Бобир Абдухолиқов есепті қайта теңестірді.
Қызықты жайт, ойын соңында «Nasaf» құрамында Қувончбек Хушвақтов екінші сары қағазын алып, алаңнан қуылды. Соған қарамастан, команда маңызды ұпайды сақтап қала алды.
«Paxtakor» - «Nasaf» 2:2
Голдар: 1:0 – 42, Хожиакбар Алижонов (Шерзод Насруллаев), 1:1 – 56, Сардорбек Бахромов (Шароф Мухитдинов), 2:1 – 90+2, Фламарион (пенальти), 2:2 – 90+3, Бобир Абдихолиқов (Сардорбек Бахромов)
«Paxtakor»: 35.Санжар Қувватов, 4.Заид Тахсин (5.Мухаммадқодир Хамралиев, 78), 7.Хожиакbar Алижонов, 10.Акмал Мозговой, 17.Достонбек Хамдамов (77.Ойбек Бозоров, 67), 21.Башар Ресан (11.Хожимат Эркинов, 60), 23.Абдурауф Бөриев (9.Иброхим Ибрагимов, 60), 27.Сардор Собирхөжаев, 34.Шерзод Насруллаев (8.Дилшод Саитов, 67), 50.Фламарион, 55.Мухаммадрасул Абдумажидов.
«Nasaf»: 1.Абдувохид Неъматов, 5.Ғолиб Ғайбуллаев, 6.Сардорбек Бахромов, 8.Зафармурод Абдирахматов, 10.Бобир Абдихолиқов, 14.Шароф Мухитдинов (23.Дилшод Муртазаев, 80), 15.Ойбек Рустамов, 17.Муродбек Рахматов (22.Диёр Абдуназаров, 46), 27.Яшнарбек Бердирахмонов (20.Юсуф Отубанжо, 46), 32.Қувончбек Хушвақтов, 92.Умар Эшмуродов.
Ескертулер: Ғолиб Ғайбуллаев (32), Қувончбек Хушвақтов (45+2), Бобир Абдихолиқов (90+4)
Шеттету: Қувончбек Хушвақтов (90, екінші ескерту)
Бұл нәтижеден кейін «Nasaf» 13 ұпаймен турнир кестесінде 9-орында келеді. Ал «Paxtakor» 25 ұпай жинап, әзірге көшбасшылықты сақтап тұр.
Қысқасы, бұл бәсеке Суперлиганың ең қызықты ойындарының біріне айналды. Соңғы минуттардағы драмалық бетбұрыстар жанкүйерлерге нағыз футбол шоуын сыйлады.
