Santiago Bernabeu стадионында жағдай ушықты. Real Madrid президенті Флорентино Перес Real Oviedo командасына қарсы ойын кезінде трибунадағы жанкүйерлермен қызу айтысып қалды. Команданың маусымды жүлдесіз аяқтауы және ішкі кикілжіңдер жанкүйерлердің ашуын тудырды. Бұл туралы Goal.com хабарлайды.
Ойын басталар алдында, футболшылар алаңға шығып жатқан сәтте камералар президенттің трибунадағы жанкүйерлермен сөзге келіп қалғанын түсіріп алды. Бұл жағдай клуб басшылығы мен жанкүйерлер арасындағы үлкен алшақтықты айқын көрсетті.
Стадионның қауіпсіздік қызметі президентке қарсы бағытталған баннерлерді алып тастауға мәжбүр болды. Жанкүйерлер көтерген «Florentino, кет» және «Florentino, кінәлі» деген жазулар дереу тәркіленді.
Жанкүйерлердің наразылығы тек президентке ғана емес, футболшыларға да бағытталды. Әсіресе, Vinicius Junior мен Kylian Mbappe алаңға шыққан кезде қатты ысқырықпен қарсы алынды. Vinicius Junior допқа тиген сайын жанкүйерлер өз наразылықтарын білдіріп отырды.
Бұл жағдай Barcelona-ға қарсы El Clasico матчындағы ірі жеңілістен кейін одан сайын күшейе түсті. Маусымның сәтсіз өтуі және команданың ойыны жанкүйерлердің көңілінен шықпай отыр.
“Zamin”-ді Telegram-нан оқыңыз!
