Tottenham bas bapkeri Roberto De Zerbi komandasynyń Anglıya Premer-lıgasynda aman qalý úshin kúresin ótken maýsymdaǵy Eýropa ligasy fınalynan da joǵary qoıdy. Italıyalyq maman pikirinshe, Everton-men bolatyn sheshýshi básekede klýbtyń namysy men tarıhı bedeli tarazyda tur. Bul týraly Goal.com habarlaıdy .
"Jeksenbidegi oýyn Tottenham úshin naǵyz fınal. Bul ótken jylǵy Manchester United-pen bolǵan básekeden de mańyzdyraq. Biz syılyqtan da qymbat nárse — namys pen klýb qadir-qasıeti úshin alańǵa shyǵamyz. Kýbokty utýǵa bolady, alaıda namysty saqtaý — eń bastysy", — dedi De Zerbi.
Soltústik London klýby Chelsea komandasyna qarsy ótken básekede 2:1 esebimen jeńilgen soń, jaǵdaı odan saıyn kúrdelene tústi. Enzo Fernandez pen Andrey Santos-tyń goldary "shporlardy" qıyn jaǵdaıǵa qaldyrdy. Richarlison soqqan jaýap gol da komandany jeńilisten qutqara almady. Qazirgi tańda Tottenham qaýipti aımaqtaǵy West Ham komadasynan nebári eki upaı alda keledi.
Quram týraly aıta otyryp, De Zerbi jaraqaty nan saıyp jatqan James Maddison-nyń ázirge tek 20 mınýt oınaýǵa daıyn ekendigin bildirdi. Chelsea-men oıynda Micky van de Ven men Marc Cucurella arasyndaǵy daýly jaǵdaıda tóreshi Stuart Attwell penaltı belgilemese de, bapker muny syltaý etpeýge shaqyrdy.
Endi barlyq nazary sońǵy turǵa aýdarylǵan. De Zerbi sońǵy 45 kúndi tek osy maqsat jolynda ótkizgenin jáne fýtbolshylar Anglıya Premer-lıgasynda qalý úshin bar kúshin salatynyn basa aıtty.
“Zamin”-ді Telegram-нан оқыңыз!
