Amazon серверіндегі қателік бүкіл әлемге әсер етті

Snapchat, Zoom, Duolingo және Roblox сияқты танымал қолданбалардағы ақаулар Amazon Web Services (AWS) қызметіндегі бұзылулар салдарынан орын алды, деп Kursiv басылымы хабарлады.

Amazon-ның ең ірі деректер орталықтары орналасқан АҚШ-тың Вирджиния штатында техникалық ақау тіркелді. Дәл осы өңірдегі DNS жүйесіндегі мәселе миллиондаған сайттардың уақытша істен шығуына себеп болды.

BBC деректеріне сәйкес, пайдаланушылар 500-ден астам онлайн платформалар бойынша 4 миллионнан астам мәселе туралы хабарлаған. Кейінірек Amazon сервистері қалпына келтіріліп жатқанын мәлімдеді, бірақ Reddit сияқты кейбір сайттарда әлі де баяулаулар байқалуда.