Операторлар Мәскеуде 5-9 мамыр аралығында интернет үзілетінін ескертті

"Beeline" операторы Мәскеу тұрғындарын 5 мамырдан 9 мамырға дейін мобильді интернет пен SMS қызметтерінде іркілістер болуы мүмкін екені туралы ескертті. Бұл туралы Ixbt.com хабарлады.

"Москва 24" басылымының мәліметінше, байланыс операторлары пайдаланушыларға тиісті хабарламаларды жібере бастады. Хабарламада шектеулер мерекелік іс-шараларға дайындық және оларды өткізу кезіндегі қауіпсіздік шараларымен байланысты болуы мүмкін екені айтылған.

Оператор клиенттерге интернетке қосылу үшін алдын ала Wi-Fi желілерін пайдалануға кеңес береді.

Әзірге байланыстың толық үзілуі туралы емес, тек ықтимал шектеулер жайында сөз болып отыр. Шаралардың егжей-тегжейі мен ауқымы нақтыланбаған.