Katie Haun криптостартаптарды қолдау үшін 1 млрд АҚШ долларын тартты

"Andreessen Horowitz" компаниясының бұрынғы инвесторы Katie Haun криптовалюта және блокчейн стартаптарын қолдау мақсатында жаңа қорлар арқылы 1 млрд АҚШ доллары көлемінде қаражат тартқанын жариялады. Бұл туралы Techcrunch.com хабарлайды.

"Bloomberg" басылымының мәліметінше, бұл инвестиция әртүрлі кезеңдегі стартаптарға бағытталады. Сондай-ақ, қаражат баламалы активтерді, соның ішінде алтын мен басқа да тауарларды, сондай-ақ қаржылық қызметтерге бағытталған жобаларды қаржыландыру үшін пайдаланылады.

Компания алдағы екі-үш жыл ішінде бұл инвестицияны жаһандық деңгейде бөлуді жоспарлап отыр. Katie Haun 2021 жылдың соңында "a16z" компаниясынан кетіп, 2022 жылы өз венчурлық фирмасының негізін қалаған болатын.

"Pitchbook" деректеріне сәйкес, қазіргі таңда фирма 2 млрд АҚШ долларынан астам активті басқарады. Оның инвестициялық портфеліне Palmer Luckey негізін қалаған "Erebor Bank" және "Ellipsis Labs" криптоқаржы компаниясы кіреді.