Ronaldu YECHL chorak finali oʻyinlaridan diskvalifikatsiya qilinishi mumkin

  • 16 mart 2019, 15:00
  • 2 094
  • Sport
  • Ronaldu YECHL chorak finali oʻyinlaridan diskvalifikatsiya qilinishi mumkin
    “Yuventus” hujumchisi Krishtianu Ronaldu Chempionlar ligasi 1/8 finalining “Atletiko”ga qarshi javob oʻyinidagi (3:0) nomaʼqul xatti-harakati uchun diskvalifikatsiya qilinishi mumkin.

    Xabarda aytilishicha, UYEFA portugaliyalik futbolchini YECHLda bir oʻyindan uchta oʻyingacha chetlatishi va italyan klubiga jarima solishi ehtimoli bor. Bu holatda Ronaldu “Ayaks”ga qarshi chorak final oʻyinlarini oʻtkazib yuborishiga majbur boʻlishi mumkin.

    ASʻning yozishicha, ayni masalada tashabbus “Atletiko”dan chiqishi, madridliklar klubi hujumchini jazoga tortishni soʻrab, UYEFAga rasmiy xat bilan chiqishi ehtimoldan yiroq emas. Ushbu klub bosh murabbiyi Diyego Simeone nimchorak finalning dastlabki oʻyinidagi ana shunday harakati uchun 20 ming yevro jarimaga tortilgandi.

    Turinliklar YECHL chorak finalida 10 aprel kuni Amsterdamda mehmon boʻlib, javob bahsini 16 aprel kuni oʻz maydonlarida oʻtkazishadi.

    » » Ronaldu YECHL chorak finali oʻyinlaridan diskvalifikatsiya qilinishi mumkin