15:00 / 16.03.2019
3 839

Роналду ЕЧЛ чорак финали ўйинларидан дисквалификация қилиниши мумкин​

Роналду ЕЧЛ чорак финали ўйинларидан дисквалификация қилиниши мумкин​
«Ювентус» ҳужумчиси Криштиану Роналду Чемпионлар лигаси 1/8 финалининг «Атлетико»га қарши жавоб ўйинидаги (3:0) номаъқул хатти-ҳаракати учун дисквалификация қилиниши мумкин.

Хабарда айтилишича, УЕФА португалиялик футболчини ЕЧЛда бир ўйиндан учта ўйингача четлатиши ва итальян клубига жарима солиши эҳтимоли бор. Бу ҳолатда Роналду «Аякс»га қарши чорак финал ўйинларини ўтказиб юборишига мажбур бўлиши мумкин.

AS`нинг ёзишича, айни масалада ташаббус «Атлетико»дан чиқиши, мадридликлар клуби ҳужумчини жазога тортишни сўраб, УЕФАга расмий хат билан чиқиши эҳтимолдан йироқ эмас. Ушбу клуб бош мураббийи Диего Симеоне нимчорак финалнинг дастлабки ўйинидаги ана шундай ҳаракати учун 20 минг евро жаримага тортилганди.

Туринликлар ЕЧЛ чорак финалида 10 апрель куни Амстердамда меҳмон бўлиб, жавоб баҳсини 16 апрель куни ўз майдонларида ўтказишади.

Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)


Янгиликлар » Спорт » Роналду ЕЧЛ чорак финали ўйинларидан дисквалификация қилиниши мумкин​