Бразилиянинг «Коринтианс» клуби директорлар кенгаши Туркиянинг «Бешикташ» жамоаси юборган расмий таклифни рад этди. Estadao хабарига кўра, Истанбул клуби дарвозабон Уго Соузани сотиб олишни истаган. Бу ҳақда euro-football.ru хабар беради.
Манбага кўра, Соуза учун 10 миллион евро таклиф қилинган. Шунингдек, трансфер амалга ошганида дарвозабон янги жамоасида аввалгисига нисбатан тўрт баробар кўпроқ маош олиши мумкин эди, бироқ аниқ рақамлар очиқланмаган.
27 ёшли Уго Соуза илгари «Фламенго» ҳамда Португалиянинг «Шавеш» клубида тўп сурган. У 2024 йилда «Коринтианс»га ижара асосида келган, кейинроқ эса тўлиқ шартнома имзолаган. Жорий мавсумда Соуза 7 учрашувда майдонга тушиб, 7 та гол ўтказиб юборди.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
