«Ал-Ҳилол» Дарвин Нуньес ўрнига Бенземани рўйхатга киритди

Уругвайлик ҳужумчи Дарвин Нуньес мавсумнинг қолган қисмида Арабистон чемпионатида майдонга тушмайди. «Ал-Ҳилол»нинг италиялик бош мураббийи уни миллий лига учун аризадан чиқариб, ўрнига клубга келиб қўшилган Карим Бенземани рўйхатга киритди. Бу ҳақда euro-football.ru хабар беради.

Шу билан бирга, Нуньес Осиё Чемпионлар Лигаси учрашувлари учун «Ал-Ҳилол»нинг қайдномасида қолди.

Маълумот учун, Нуньес аввалроқ Испаниянинг «Алмерия», Португалиянинг «Бенфика» ва Англиянинг «Ливерпул» клубларида тўп сурган. У 2019 йилдан Уругвай терма жамоасига мунтазам чақирилади, ҳозиргача миллий жамоа сафида 13 та гол урган. Шунингдек, 2022 йил Қатарда ўтган жаҳон чемпионатида ҳам иштирок этган.

Abror Tovmurodov

«ZAMIN.UZ» муҳаррири