Португалия терма жамоаси бош мураббийи Роберто Мартинес Криштиану Роналду қачон футболчилик фаолиятига нуқта қўйиши мумкинлиги ҳақида фикр билдирди. Бу ҳақда euro-football.ru хабар беради.
Февраль бошида 41 ёшга тўлган Роналду ҳали ҳам юқори спорт формасини сақлаб турибди. Мартинеснинг айтишича, унинг жисмоний кўрсаткичлари яна узоқ вақт майдонда бўлишига етади, бироқ якуний қарор футболчининг ўзи қачон тўхташ вақти келганини ҳис қилишига боғлиқ.
“У жуда талабчан ва ўзини қаттиқ баҳолайдиган футболчи. Қачонки жамоага аввалгидек фойда бера олмаётганини англаб етса, ўша пайт қарор қабул қилади”, — деди Мартинес BBC’га берган интервьюсида.
Клуб даражасида Роналду Саудия Арабистонининг “Ал-Наср” жамоасида тўп сурмоқда. Хабарларга кўра, португалиялик юлдуз клуб бошқарувидан норози бўлгани сабаб бир неча учрашувни ўтказиб юборганидан кейин шанба куни яна таркибга қайтиши кутилмоқда.
“Ал-Фатех” — “Ал-Наср” учрашувини LiveResult’да матнли трансляция орқали кузатиш мумкин.
“Zamin”ни Telegram'да ўқинг!
