ПСЖнинг собиқ бош мураббийи Маурисио Почеттино Парижда юлдуз футболчилар билан ишлаш қандай кечгани ҳақида фикр билдирди. Аргентиналик мутахассис даврида ҳужум чизиғида Лионел Месси, Неймар ва Килиан Мбаппе учлиги тўп сурган. Бу ҳақда euro-football.ru хабар беради.
Почеттинонинг таъкидлашича, бундай даражадаги футболчиларни бошқариш мураккаб: айрим пайтлар улар ўйнаётган клубдан ҳам каттароқ бўлиб кўринади. У Мессидан доимий прессинг кутиб бўлмаслигини айтди: Месси ҳеч қачон мунтазам прессинг қилмаган, ҳатто Гвардиола давридаги энг кучли йилларида ҳам. Мураббий сўзларига кўра, натижа бўлмаса, айб барибир бош мураббий зиммасига юкланади.
Ҳозирда Почеттино АҚШ терма жамоасини жаҳон чемпионатига тайёрламоқда. Шу билан бирга, ёзда унинг яна «Тоттенҳэм»га қайтиши мумкинлиги ҳақида миш-мишлар ҳам тарқалган.
“Zamin”ни Telegram'да ўқинг!
