«Ал-Наср» бош мураббийи Жорже Жезуш Криштиану Роналду нега яқинлашиб келаётган учрашувда майдонга тушмаслигини изоҳлади. Бу ҳақда euro-football.ru хабар беради.
Ар-Риёд клуби чоршанба куни ОФК Чемпионлар лигаси доирасида «Аркадаг»га қарши баҳс олиб боради. Португалиялик ҳужумчи яқин орада майдонга қайтиши кутилаётгани айтилаётган бўлса-да, бу ўйинда ҳам у таркибда бўлмайди.
Жезушнинг сўзларига кўра, жамоа тиқиз тақвим сабаб Роналдуга ҳам, асосий таркибдаги яна бир қатор футболчиларга ҳам дам беришга қарор қилган. Мураббий буни олдинда турган «Ал-Фатеҳ»га қарши муҳим учрашув билан изоҳлади.
«Al Nassr Zone» келтирган иқтибосда Жезуш, Роналдунинг Саудия Арабистонидан ташқарида ўтадиган ўйинларни тез-тез ўтказиб юбориши янгилик эмаслигини ҳам таъкидлаган.
Саудия чемпионатидаги «Ал-Фатеҳ» — «Ал-Наср» учрашуви шанба куни, 14-февралда бўлиб ўтади.
“Zamin”ни Telegram'да ўқинг!
