Аргентина чемпионати бир ҳафталик танаффус олади: 9-тур учрашувлари кейинроқ ўтказилади. Бунга маҳаллий футбол федерацияси атрофида яна бир бор кўтарилган коррупция можароси сабаб бўлди. Бу ҳақда euro-football.ru хабар беради.
Қизиғи шундаки, 7 ва 8-тур беллашувлари режадагидек бўлиб ўтади, пауза эса айнан 9-турга тўғри келади. Тақвимга кўра, 9-тур ўйинлари 5–8 март кунлари ўтказилиши керак эди, бироқ 5 март куни AFA президенти Клаудио Тапиа трибуналдан ўтиши кутилмоқда.
derbyderbyderby.it хабарига кўра, собиқ футболчилар ва ходимларга пенсия тўловлари билан боғлиқ схема орқали 19 миллиард миқдоридаги солиқдан қочилган бўлиши мумкин. Евро ҳисобига ҳам рақам катта — қарийб 12 миллион. Шунингдек, ташкилот пул ювиш жараёнларида иштирок этган бўлиши эҳтимоли ҳам тилга олинмоқда.
“Zamin”ни Telegram'да ўқинг!
